Introduction
Sandwich toh sabne khyaa hoga,, ☺ leki sandwich banane ka sabka apna apna alag hi tarika hoga, simple ghar me banane wali sandwich aur hotels/restaurants me milne wali sandwich me bahut difference hota hai but ghar sandwich hi hamare health ke liye better hoti hai. To esiliye mai aapke sath apni ghar wali sandwich ki recipe share kar rahi hu, jiska taste to mujhe bahut pasand hai, normally ghar pe hamesha rahne wali chijo se banaya hai, eske liye mujhe sandwich maker ka bhi use nhi karna pada aap tave ya non-stick pan ya dosa tave pe bhi bana sakte hai, to aaiye jante hai recipe.
Ingredients
Stuffing ke liye aaloo ready karna
- Boiled potatoes – 4
- Oil – 2 teaspoon
- Jeera – 1/2 teaspoon
- Aamchoor powder – 3 teaspoon
- Namak – taste according
- Hara dhaniya – garnishing ke liye
- Hari mirch – optional
Sandwich ke liye
- Bread – 8 slices
- Butter – 4 tbsp
- Green chutney – 4 tbsp
- Gajar – 1 medium grated
- Pyaaz – 2 patle slice me kate huye
- Tamatar -2 patle slice me kate huye
- Salt – taste according
- Hara dhaniya
- Black pepper – 1 teaspoon
- Chaat masala – 1 teaspoon
Method|banane ki vidhi
Stuffing ready karna|aalu ki stuffing
Pan me tel dalenge. Tel garam hone ke baad usme jeera aur kati hui hari mirch dalkar sunahara hote tak bhunenge. Fir pan me aaloo dalkar achhe se mix karte huye 3 minute tak midium to high flame pe bhunenge. Aaloo ko achhe se bhoonane ke baad usme aamchoor powder aur namak dalkar kalchhi ko chalate huye aaluon ko achhe se pan me hi mass kar lenge. Aaloo achhe se mass hone ke baad usme hara dhaniya dalenge. Aur hmari stuffing bankar ready ho jayegi.
Sandwich banana
8 bread ki slices se ham 4 sandwich ready karenge. Esliye ham sabhi bread ke ek ek side pe butter lagaakar achhe se Non-sticy pan ya tave pe brown hone tak achhe se slow flame pe roast kar lenge.
Ab bread ki jis side ko hamne roast kiya tha, usi side pe ham sabse pahle aalu ki stuffing thin si layer, bread pe spread karenge.
Ab aalu ki stuffing ke baad us par ham grated carrot aur hara dhaniya spread karenge, fir us par tomato slices aur tomato ke uper onion spread karenge. Onion ke uper fir se aaloo ko spread karke upar se dusare bread se achhe se cover kar lenge.
Aise hi ham baki breads ko bhi achhe se sandwich bana kar ready kar lenge.
Sandwich roast karna
Ab ham apne tave ya pan ko gass ki slow to medium flame pe rakhenge.
Fir ek ek sandwich ko achhe se ulatate palatate huye brown hone tak achhe se roast/paka lenge.
Serving tips
Es sandwich ko aap hot tea ya fir apni favorite sauces ke saath garma garam enjoy karein.