Agar aap traditional aur ghar jaisa meetha banana chahte hain, to Gud ke Gulgule ek perfect option hai. Yeh North India ki bahut hi popular aur easy sweet recipe hai jo kam ingredients me tayar ho jati hai. Aaj hum jaanenge ki 4 logon ke liye soft aur fluffy gulgule kaise banaye.
Ingredients (Samagri)
- 1 cup Gud (180–200 gram)
- 2 cup Gehu ka Aata
- 1 to 1¼ cup Pani (zarurat ke hisab se)
- 2–3 tbsp Dry Fruits (optional, barik kate hue)
- 1/4 tsp Meetha Soda (Baking Soda)
- Tel talne ke liye (approx 400–500 ml)
Gulgula Banane Ki Vidhi (Step-by-Step Method)
Step 1: Gud Ka Syrup Banaye
Sabse pehle gud ko halka gungune pani me daal kar achhi tarah ghulne dein. Jab gud puri tarah ghul jaye, to ise chaan kar alag rakh lein.
Step 2: Batter Tayaar Kare
Ek bade bowl me aata dalie. Ab dheere-dheere gud ka pani milate hue smooth batter banayein. Batter na zyada patla ho aur na hi zyada mota – pakode jaisa consistency hona chahiye.
Step 3: Dry Fruits Aur Meetha Soda Milaye
Ab isme dry fruits aur 1/4 tsp meetha soda milakar halka sa mix karein. Batter ko 10–15 minute ke liye dhak kar rakh dein.
Step 4: Gulgule Talna
Kadhai me tel garam karein. Jab tel medium garam ho jaye, to chammach ki madad se chhote portions tel me daalte jayein. Dheemi-medium flame par gulgule ko golden brown hone tak talein.
Perfect Soft Gulgule Banane Ki Tips
- Batter ko kam se kam 10 minute rest jarur dein.
- Tel bahut zyada garam na ho, warna gulgule bahar se jal jayenge aur andar se kacche rahenge.
- Meetha soda jyada mat daalein, warna taste kharab ho sakta hai.
Serving Suggestion
Garam-garam gulgule chai ke saath serve karein. Yeh breakfast, shaam ke snack ya festive special sweet ke liye perfect hai.
FAQs – Gulgula Recipe
Q1. Kya gud ki jagah chini use kar sakte hain?
Haan, lekin traditional taste ke liye gud best hai.
Q2. Gulgule hard kyu ho jate hain?
Agar batter zyada mota ho ya tel bahut tez garam ho to gulgule hard ho sakte hain.
Q3. Kya bina meetha soda ke bana sakte hain?
Haan, lekin thode kam fluffy banenge.