Hello doston, main aaj aap sab ke liye Lekar aayi hu ghar-ghar me banne wali aasan mithaai Jise alag-alag Rajya mein alag-alag naam se Jana Jata Hai. Jaise Maharashtra Me Rawa Sira ya Sira, Dakshin Bharat mein Kesari ya rava Kesari, Uttar Bharat mein Suji ka halva. Aise hi bhinn bhinn sthanon per bhinn naamon se Jana jata hai aur han ise Banane aur sajane ke tarike alag-alg ho sakte hain.
Ek Miti Shuruaat
Kyunki Main Uttar Pradesh mein rahti hun isliye hamare yahan jyadatar ise Suji ka halva kahate hain. Yah har ghar mein jhatpat se banne wali yari aur Aasan bacchon ko Pasand Aane Wali Hai Khas kar ya Bhog tyohar Subah ke nashte mein banate hain iska Swad bhi lajawab Hota Hai Kisi Kisi ghar mein to yah birthday cake ke roop Mein Bhi istemal Kiya jata hai.
Samagri -Ingredients-
- Suji – 1 cup
- Ghee – 1/2 cup
- Shakkar – 3/4 to 1 cup (according to taste)
- Pani (water) – 2 & 1/2 cup
- Elaichi Powder – 1/2 cup
- Dry Fruits – according to your favorite
- Kishmish (must) – 1 tbsp
Banane ki vidhi – recipe steps
- Sabse pahle Suji ko achche se chhanni se Chhan Kar le lenge.
- Pain ya karahi mein Ghee dalkar medium flame per garm hone denge.
- Garam hone per usmein Suji dal kar 8 – 9 minut tak medium flame per achche se brown hone tak bhunege.
- Suji bhunane ke bad use Kadhai se nikal Lenge, nahin to Kadhai garm hone ke karan Suji jal sakti hai.
Pani Aur Chini se Sira banana –
- Ab aap Chahe to Vahi Kadhai me ya dusri kadhai bhi istemal mein le sakte hain .
- Kadhai Mein Pani garm karenge.
- Pani garm ho jaane ke bad usmein shakkar aur ilayachi Ka powder dalkar use ghulne ke bad usmein ek se teen ubal Aane De.
Pakayen-
- Ab gas ka flame low karke usmein Suji thodi-thodi matra me karchhul chalate huye milayenge , jisse usmein ganthe na aane paye.
- Uske bad Gas ka flame medium kar den.
- Jaise hi aapka halwa gadha hone lage usmein apne pasandida dry fruits aur Kishmish milakar tab tak pakayen jab tak halwa kadhai Na chhodane lage aur ghee na dikhne Lage.
Sajayen aur Parosen –
- Ab halve ko plate mein nikal kar usmein Thodi dry fruit Crush ya kaddukas Karke Upar Se sajayen aur Garma Garam Parose.
Tips and tricks
- Aap shakkar ke Matra Apne Swad Ke anusar Le sakte hain.
- Aap Jitna Jyada Ghee use Karenge aapka halva utna hi danedar aur rich Banega.
- Aap halve Me milk bhi add kar sakte hain banate Waqt.
- Suji Ke Acche color me liye use acche se Bhura hone de .
Meri plate se-
Aapka halwa-
- Kya aapko bhi Suji ka halva pasand hai ?
- Agar han to aapane kab aur kaise ise Banaya ?
- Aapke Suji ke halve ki recipe kya hai? Hamen comment Mein Jarur bataen aur apni Khas tips bhi.